qhia tias lub hom phiaj uas tsim lub lim piam Be Medicinewise Week 2019 no yog xav kom tej neeg paub txog cov kev siv tshuaj tias yuav siv li cas, kom thiaj siv tau tej tshuaj no raug thiab kho tau peb zoo thiab kom txhob muaj teeb meem rau peb.
Lub koom haum yog nom tswv Australia ib lub koom haum uas taw qhia cov kev siv tshuaj rau zej tsoom Australia kom paub siv tshuaj thiab yeej muaj cov kev taw qhia los tau 9 lub xyoos no lawm.
Nws qhia tias raws li lub koom haum no cov kev teeb txheeb nrog cov neeg coob tshaj 1,000 tus ces pom tau tias tshaj li ib nrab (>500 leej) yeej tau noj tshuaj tshaj li 2 yam, tab sis tsuas muaj cov neeg no txog li 30% thiaj sau tej npe tshuaj txhua yam tseg cia xwb tsis hais tej tshuaj kws kho mob rau lawv noj, tej tshuaj cia li yuav tom tej khw muag tshuaj, tshuaj ntsuab los yog cov tshuaj supplementary lis vitamins los yog lwm yam tshuaj ntawd xwb. Dua li ntawd lawm ces tej neeg nyias yeej muaj nyias tswv yim los sau thiab teev tej tshuaj no siv txawv.
Dr. yoo qhia tias muaj ntau yam laj thawj tseem ceeb uas peb tsim nyog teev zwm tej npe tshuaj tseg cia xws li:
1. Vim cov tshuaj ntau yam no yuav siv tw los sis muaj teeb meem sib cuam tshuam tau yog peb noj ntau yam tshuaj sib xyaws ua ke lawm.
2. Vim peb tsis muaj peev xwm nco tej tej npe tshuaj txhua yam peb noj ces thiaj yuav tau sau tej npe tshuaj tseg cia. Tsis hais sau cov npe tshuaj brand name lo ntawm lub phlaub ntim tshuaj los yog cov tshuaj tiag tiag (Active ingredients). Rau qhov tej thaum tseem muaj neeg totaub yuam kev tias tej zaum yog cov tshuaj sib txawv vim muaj cov brand name sib txawv tab sis qhov tseeb tiag yog tib cov tshuaj zoo tib yam xwb.
3. Yog tej yam tseem ceeb uas yus yuav tau qhia rau tej kws kho mob, kws muag tshuaj los yog tej neeg tswj kev noj qab haus huv paub tias seb noj hom tshuaj twg txhaum thiab muaj teeb meem rau yus los yog tau noj dhau los kom lawv paub ua ntej lawv yuav sau cov tshuaj tshiab rau yus noj, kom thiaj tsis muaj teeb meem los sis kom thiaj tau txais kev nyab xeeb rau yus txoj kev noj qab haus huv.
Be Medicinewise Week 19-25 Aug 2019 -NPS Source: NPS
Yog li ne yus ho yuav muaj txoj xub ke li cas los teev los sis yog sau tej npe tshuaj no tseg cia?
Dr. Jeanne Yoo qhia tias lub koom haum NPS Medicinewise lub vas sab yeej muaj ib hu ua ntawm Google Play siv rau cov Android phones los yog uas siv rau cov iPhones tib si rau tej neeg sawv daws download los siv tau. Cov Apps no yuav teev zwm cov npe tshuaj ua ntawv Askiv, yuav ceeb tom qhia koj tias yuav noj tshuaj thaum twg, noj pes tsawg yam tshuaj, noj pes tsawg li lub cas. Ntxiv ntawd los sawv daws yeej muaj peev xwm mus thov es muab luam ua ib daim ntawv coj los sau khaws cia los tau tib si..daim ntawv npe tshuaj no raug muab txhais ua 10 hom lus tab sis tseem tsis tau txhais ua lus Hmoob. Yog li ntawd koj yuav tsum tau nrhiav ib tug neeg paub ntawv Akiv los yog mus teem caij nrog tej kws kho mob sib tham thiab thov neeg txhais lus rau koj kom koj sau tau cov npe tshuaj ua koj nom ntawd tseg cia.
Dr. Yoo xaus lus tias lub hom phiaj tseem ceeb ntawm lub limpiam yog xav qhia kom tej neeg sawv daws uas siv tshuaj paub txog lawv tej tshuaj uas lawv noj los yog lawv siv thiab xav kom tham txog tej tshuaj no nrog lawv tej kws kho mob, thiab tej kws muag tshuaj uas paub zoo txog tej tshuaj no kom thiaj muaj peev xwm siv tau tej tshuaj no kho tau mob zoo thiab tsis muaj teeb meem rau tej neeg noj tshuaj kom peb thiaj tau txais kev noj qab nyob zoo.
Disclaimer:
Dr. Jeanne Yoo cov lus nrog tham no tsuas yog ib cov lus taw qhia thiab tawm tswv yim du du xwb tsis tau los ua tib zoo txheeb xyuas txog koj ntiag tug cov kev noj qab haus huv thiab cov kev noj tshuaj. Txwv tsis pub koj cia li ua raws li cov kev taw qhia ntawm zaj lus tham no yam tsis tau sab laj nrog tej kws kho mob los sis tej kws tshuaj ua ntej tso. Yog tias koj ua li ntawd ces thaum muaj teeb meem tuaj SBS yuav tsis nrog koj lees paub thiab koj ntiag tug yuav yog tus pov plob thiab ris koj teeb meem kheej lawm xwb.
Mloog tau SBS Radio Hmong Program rau hnub Thursday 6 pm AEST thiab hnub Sunday 11 am AEST. Caum peb qab ntawm SBS Hmong Facebook page los yog mloog thiab download podcasts ntawm Stitcher, Apple podcasts los sis Google podcasts los yog lwm cov podcasts tau.
Mloog tau lwm yam xov xwm ua lus Hmoob thiab lus Askiv tau raws li hauv qab no:
READ MORE
Cov nqaij yug ntawm laboratory
READ MORE
Tsev tsoom hwv cov cai txo se 2019
READ MORE
Txo se rau tej neeg ntiag tug
