Highlights:
- Muaj tej me nyuam hnoob nyoog qes dua 5 xyoo yuav tau hno tshuaj COVID-19 vaccine rau hnub tim 5 lub 9 hli ntuj no.
- Muaj ib co kev teeb txheeb tshiab hais tias Wuhan yog qhov chaws pib kab mob coronavirus ntawm teb chaws Suav
- TGA tau rub lub sij hawm ntawm 12 hlis ua 18 hli cov tshuaj tua kab mob virus Paxlovid thiaj tag sij hawm siv lawm
Australia tau tso cai hno tau tshuaj Moderna COVID-19 vaccine rau tej ib cov me nyuam yaus hnoob nyoob 6 hlis mus txog 5 xyoos lawm.
Mark Butler uas yog tus nom tswj cov hauj lwm noj qab haus huv tau hais tias muaj cov me nyuam ze txog li ntawm 70,000 tus yog cov uas muaj teeb meem rau lawv cov immune, yog cov neeg puas cev, thiab muaj mob ntau yam ntawd ces yog cov muaj cai hno tau tshuaj vaccine txij hnub tim 5 lub 9 hli ntuj no.
Mr Butler tau hais tias yuav hno ob koob tshuaj vaccine no sib nrug rau lub caij ob hlis. Muaj ib txhia me nyuam tej zaum kuj yuav muaj cai tau hno koob peb thiab.
Mr Butler tau hais tias "Tam sim no ATAGI yeej tsis tau taw qhia kom hno tshuaj COVID-19 vaccine rau tej me nyuam hnoob nyoog 6 hlis mus txog cov hnoob nyoog qes dua 5 xyoos uas yuav tsis raug kev phom sij dab tsi. ATAGI kuj yuav xyuas tej phov thawj txog tej txiaj ntsim yuav tau txais los ntawm cov kev hno tshuaj vaccine no rau pawg me nyuam uas muaj hnoob nyoog li hais no txuas ntxiv.
Nws tau hais tias lawv yuav tau 500,000 koob tshuaj hno rau tej me nyuam lawm, thiab yuav xub xa thawj phaum tshuaj no tuaj txog rau lub teb chaws no rau thaum yav lig lub limtiam no.
Tej chaw kho mob xeev yuav ua tus hno cov tshuaj vaccine no.
Tsoom fwv los kuj npaj tias yuav xyuas kom hno tau cov tshuaj vaccine no rau tej chaw kho mob thiab.
Thiab nws kuj qhia tias yuav pib qhib rau tej neeg teem caij hno rau thaum lig rau lub hli no, thiab tsis xav kom tej niam txiv hu nug tej chaw hno tshuaj rau lub caij no.
Teb chaws America, Canada thiab ib txhia teb chaws Asia twb tau tso cai hno cov tshuaj COVID-19 vaccine rau tej me nyuam hnoob nyoog qes dua 5 xyoos lawm.
Hnub zwj Feej (Wednesday) no ces muaj xov xwm qhia tias muaj neeg yam tsawg li 66 leej tas sim neej ntawm teb chaws Australia, uas muaj cov neeg no 39 leej ntawm New South Wales (NSW), hos ob lub xeev li Queensland thiab Victoria ces ib lub twg muaj 6 leej yog cov tas sim neej thiab.
Txheeb tau tej xov xwm tshiab txog kab mob COVID-19 seb ho muaj neeg kis tau tshiab npaum li cas, raug kho ntawm tsev kho mob li cas, thiab tas sim neej li cas ntawm Australia .
TGA tau rub lub sij hawm ntawm 12 hlis mus ua 18 hli mas cov tshuaj Paxlovid mam li siv tsis tau lawm yog tias khaws cov tshuaj no kom txias dua 25 degrees Celsius.
Thawj phaum tshuaj Paxlovid ces yuav tag sij hawm siv rau lub 8 hli ntuj.
Tau muaj 2 cov kev teeb txheeb raug coj los tshaj tawm rau phau ntawv xov xwmctau xaus lus tias lub khws Huanan Seafood Market ntawm Wuhan teb chaws Suav (China ) yog thaj chaw uas xub pib kis tus kab mob coronavirus no.
Tej neeg sau tsab ntawv cej luam no pom tau tias tau muaj tus kab mob SARS-CoV-2 no ntawm cov kev ua luam muag tej tsiaj qus uas tseem cia ntawm teb chaws Suav.
Nrhiav tau ib lub chaw sim kab mob COVID-19 raws cov xeev hauv qab no:
Teev koj cov kev sim Rapid Antigen Tests (RATs) tau ntawm cov xeev hauv qab no yog koj sim thiab paub tias kis lawm:
Ua ntej koj yuav mus txawv teb chaws
Nod yog qee cov kev pab kom koj nkag siab txog
Nyeem tau tag nrho tej xov xwm txog kab mob COVID-19 ua koj hom ntawv tau ntawm
