Raws li tau muaj ib co tau qhia, yeej muaj ib tug neeg ua hauj lwm ntawm 3 tug twg raug lwm tus neeg kov, xuas thiab thab zes tom tej chaw hauj lwm rau lub sij hawm 5 lub xyoos dhau los. Tab sis cov teeb meem no yeej yog ib cov kev ua txhaum cai thiab tsis tsim nyog yuav zam txim rau tej neeg tsim tej teeb meem no.
Sexual harassment yog dab tsi?
tau piav tias "ces yog txhua yam cwj pwm uas cuam tshuam txog txoj kev sib deev li pheej thov kom lwm tus nrog yus sib deev, coj cuj pwm tsis zoo uas ua rau ib tug neeg twg pom tau tias saib tsis taus nws, ua rau nws txaj muag, ua rau nws ntshai."
Tej zaum kuj yuav yog cov kev tso dag tso luag txog cov kev sib deev, saib los sis ntsia ib tug twg qhov muag tav zas, thuam saib tsis tau ib tug twg vim nws yog poj niam los yog txiv neej, kov, xuas los yog xa duab liab qab hauv tej email los yog message rau lwm tus.
Improper office etiquette Source: Getty Images
Leej twg yog cov neeg raug tej teeb meem no?
Tsis hais leej twg li yeej raug lwm tus tsim tej teeb meem no tau rau, tab sis lub koom haum yeej tau qhia tias cov ntxhais hluas yog cov raug tej teeb meem no ntau tshaj plawls.
Tsib xyoos dhau los ntawd ces yeej muaj tej poj niam txog li 39% raug cov teeb meem sexual harassment no, thaib tsuas muaj tej txiv neej no raug cov teeb meem no txog li 26% xwb. Thiab tsis tas li no los tej neeg raug lwm tus tsim cov teeb meem sexual harassment no rau feem ntau yeej yog cov hluas hnoob nyoog qes dua 29 xyoos xwb.
Yuav thov kev pab cuam li cas?
Cov teeb meem Sexual harassment uas tau tshwm sim rau tom tej chaw ua hauj lwm yog ib cov kev ua txhaum cai raws li tsab cai . Yog koj xav paub tias koj muaj txoj cai dab tsi, ces koj muaj peev xwm hu tau rau lub koom haum Australian Human Rights Commission tus xov tooj 1300 656 419 nrog lawv tham thiab thov xov xwm ntawm lawv los tau. Hos yog tias tej teeb meem no ua rau koj nyuaj siab heev ces koj yeej muaj peev xwm nrog tau koj ib tug phooj ywg koj ntseeg siab tham tau los yog hu tau rau lub koom haum tau thiab.
Thiab yog tias koj ho xav tau neeg txhais lus ces koj yeej thov tau ntawm lub koom hauj txhais ntawv thiab txhais lus tau rau lub caij uas koj tseem tab tom hu nrog lub koom haum Australian Rights Commission information line los yog lub koom haum 1800 RESPECT ntawd.
Creative differences can make tempers flare in any office Source: Getty Images
Koj yuav mus hais li cas?
Yog tias koj txiav txim siab lawm tias yuav mus hais, ces koj yeej nrog koj uas koj ua hauj lwm rau tham tau, los sis yog nrog ib tug neeg sawv cev uas saib cov neeg ua hauj lwm tham los yog cov koom haum sawv cev rau cov neeg ua hauj lwm ntawm koj lub chaw ua hauj lwm tham tau tib yam.
Raws li Kate Jenkins uas yog tus coj ntawm lub koom haum Sex Discrimination Commission hais ces tej zaum cov tswv lagluam kuj yuav nrog koj xyuas tej teeb meem no sib txawv thiab. Muaj ib txhia tswv lagluam mas yeej kub siab txog koj tej lus yws no thiab nqes tes los tshuaj ntsuam thiab ua ib yam dab tsi los daws kiag tej teeb meem no. Hos lwm cov ces yeej tsis tshua kub siab thiab tsis qhia tias lawv ho tau ua dab tsi coj los daws tej teeb meem no lawm, tej zaum lawv yeej muaj peev xwm nrog lub koom haum Human Rights Commission tham thiab thov kev pab cuam tias tsim nyog lawv yuav daws tej teeb meem no li cas.
Yog tias koj tus tswv lagluam ho tsis kub siab los ua ib yam dab tsi daws tej teeb meem no li, ces koj yeej muaj peev xwm mus koj thiaj pab pov puag tau koj txoj cai, uas tej zaum yuav muaj peev xwm los sib kho kom ob tog muaj kev sib haum xeeb, los seb ho puas tsim nyog mus hais plaub li cas ntxiv.
Jenkins hais tias, qhov zoo tshaj ces yog thaum koj mus qhia tej teeb meem no rau koj tus tswv lagluam, ces lawv yuav tsum kub siab tiag tiag los nrog xyuas tej teeb meem no, tab sis yuav tsum tau ua tib zoo xyuas kom txhob muaj teeb meem dab tsi rau koj thiab yog tias koj coj tej teeb meem no mus tham qhia rau lawv, seb lawv ho yuav muaj peev xwm los daws tau tej teeb meem no li cas, uas feem ntau ces tej tswv lagluam yeej yuav nrog yus tham tias seb yus yuav xav kom ua li cas los yog yuav hais tej teeb meem no txuas ntxiv li cas hauv lub tuam txhab yus ua hauj lwm rau lawv txuas ntxiv li cas.
Sexual Harassment - Social Issue Concept Source: Getty Images
Koj nrhiav tau xov xwm tau qhov twg ntxiv?
Yog koj xav paub kom ntxaws tshaj qhov no ntxiv txog cov teeb meem sexual harassment los yog koj txoj cai ntawm tej chaw ua hauj lwm, ces mus txheeb xyuas tau ntawm lub koom haum thiab lub koom haum ob lub vassab (websites), uas yeej muaj tej