Mloog tau cov lus nrog ME Bank tus consulting economist tham txog tias tsim nyog pab Australia cov neeg txom nyem ua lus Hmoob tau ntawm no: READ MORE
txheeb tau tias thaum nws tau siv ntau cov txuam thawj (factors) li tej cuab yig cov nyiaj khwv tau, lawv tej peev txheej, tej nyiaj kawv khaws tseg cia, tej nuj nqes lawv tiv, tej hauj lwm lawv ua thiab tej nqe lawv yuav tau them mus txog rau seb lawv yuav tsev nyob rau thaj chaw twg los sis ntiav tsev nyob ntawd thiab seb lawv laus los hluas ntawd coj los txheeb xyuas tias lawv puas txom nyem nyiaj txiag (Financial Comfortable Index) ua teev tus zauv txog 10 ntawd, ces Australia cov neeg khwv tau nyiaj tsawg yog cov uas txom nyem nyiaj txiaj tshaj plaws tsuas tau cov zauv txog 3 ntawm 10 xwb, hos Australia cov pej xeem feem coob ces tau txog li 5.5 ntawm 10 ntawd thiab cov neeg khwv tau nyiaj ntau ces tau txog li 8.6 ntawm 10 ntawd.
tau qhia ces vim yog tej kiab khw ntiav dag zog thiab tej lagluam mus tsis tau zoo nrog rau tej nyiaj khwv tau tsawg li qub tau ua rau pej xeem Australia txom nyem nyiaj txiaj heev. Yog hais txog cov neeg khwv tau nyiaj tsawg lawm ces tej nuj nqes (utility bills) li nqe dej, hluav taws xob, gas thiab nqe yuav zaub mov noj mus rau lwm yam nqe uas yuav tau them thiab siv ntawd nrog rau cov kev tau hauj lwm tsis ruaj ua los yog cov kev tsis tau hauj lwm txaus ua (Part-time, casual) yog cov teeb meem ua rau tej neeg no muaj kev nyuaj siab thiab txhawj xeeb tshaj plaws.
Tej nqe noj haus thiab tej nqe utilities thiab khaws tau nyiaj tsawg cia yog ib cov kev txom nyem nyiaj txiaj uas ua rau Australia tej cuab yig txhawj xeeb heev, raws li Me Bank tsab ntawv cej luam tau qhia.
Cov neeg uas tsis raug teeb meem dab tsi ntau yog cov twb so tsis ua hauj lwm thiab muaj cov nyiaj superannuation tshaj $1 roob (million dollars), yog cov them tsev tag lawm, yog cov nqe peev lagluam yuav tsev ntiav rau lwm tus nyob uas siv cov negative gearing, thiab yog cov yim neeg hnoob nyoog nrab uas tsis muaj me nyuam nyob ntawm xeev Australian Capital Territory, New South Wales thiab Victoria. Hos cov neeg uas muaj teeb meem nyuaj siab ntxov plawv txom nyem nyiaj txiaj yog cov nyog ntawm cov xeev Western Australia lub nroog Perth, Northern Territory, Queensland lub nroog Brisbane, South Australia lub nroog Adelaide mus rau xeev Tasmania, thiab tej neeg ua hauj lwm, mus txog rau cov neeg uas muaj coob tus me nyuam uas tseem them tsev tsis tau tas ntawd yog cov txhawj xeeb heev.
ME Bank tus consulting economist Jeff Oughton hais tias cov neeg Australians uas khwv tau nyiaj tsawg thiab khawv tsis tau nyiaj ces yeej muaj nyiaj hauv lawv tej account tsawg dua $ 100 rau thaum xaus rau txhua lub limpiam ces lawv yeej tsis tshuav nyiaj hauv lawv tej bank account li lawm. Los sis yog txhua txhua 1 tug ntawm 8 tus neeg Australia los sis yog 15% ntawm Australia cov pej xeem no ib txhia yeej tau yoo pluas hno ntau zaus kom mus txhob rau thaum rov qab tau nyiaj siv dua xwb. Yog tias lawv yog cov ua hauj lwm part time thiab casual ces tseem yuav tau nrhiav sij hawm li ntawm 20 teev ua ntxiv thiaj tau nyiaj txaus siv pab lawv lub cuab yig. Tab sis qhov ua rau peb ceeb loj tshaj ntawd, ces peb txheeb tau tias lawv tseem yuav tau muab lawv tej khoom muaj nqis muag kom tau nyiaj coj los siv pab rau lawv yim neeg tau siv yuav tej khoom pab lawv ua lub neej txhua hnub thiab, raws li consulting economist Jeff Oughton hais.
Qhov phem tshaj ntawd mas yog txawm tsoom hwv Australia tau nqe peev lagluam rau qee cov hauv paus txhim kho, tau txo se rau pej xeem thiab tuam txhab nyiaj faj seeb haiv tau txo cov kab theem paj qes lawm los yeej tseem pab tsis tau Australia tej lagluam kom zoo tuaj ntxiv tsis muaj hauj lwm txaus rau tej neeg ua thiab tej nyiaj los tseem khwv tau li qub xwb. Tej xwm txheej no thiaj tseem ua rau pej xeem Australia txhawj xeeb txog nyiaj txiaj heev, yog li ntshe RBA thiab tej economists tseem kwv yees tseg thiab tias ntshe tej zwj ceeb no tseem yuav zoo li no rau ob peb xyoos ntxiv no thiab raws li consulting economist Jeff Oughton tau qhia rau SBS Hmong program.
Yog tias koj tej lagluam mus tsis tau zoo ces tej neeg yeej txhawj thiab txuag nyiaj thiab khaws nyiaj tseg cia ntau dua tsuas siv me ntsis xwb, thiaj ua rau tsis muaj kev siv nyiaj txaus los pab rau tej lagluam los yog ua kom tej lagluam zoo thiab tsim tau hauj lwm rau tej neeg ua ces thiaj nyuaj heev rau lwm tus. Thaum tej cuab yig ua li ntawd lawm ces nom tswv yuav tau siv nyiaj los nqe peev tsim tej hauv paus txhim kho (Infrastructure) kom txhob muaj kev sib tus ncua rau cov kev siv nyiaj thiab cia siab tias yuav tsim tau hauj lwm rau tej neeg ua thiab pab kom lagluam zoo tuaj rau lub sij hawm ib ntus, raws li Jeff Oughton tau hais.
Jeff Oughton hais tias kom tsoom hwv tsis txhob ua xyem xyav thiab hnov qab txog tej hauj lwm tseem ceeb uas tsim nyog yuav tau los nqes tes ua. Tsis yog yuav cia teeb meem tshwm sim lawm ces mam los daws xwb tab sis yuav tsum tau npaj tej laj lim tswv yim zoo los npaj thiab daws tej teeb meem no ua ntej yuav muaj xwm txheej tshwm sim.
Piv txwv li tias lub caij cov kab theem paj qes no tsoom hwv muaj peev xwm qev tau nyiaj los txhim kho Australia phaum neeg tam sim no thiab npaj phaum neeg yav pem suab, yog tham txog cov kev kawm lawm ces xav kom los xyaum qhia Australia tej neeg kom muaj txuj ci thiab ua tau tej hauj lwm tam simno thiab tej hauj lwm yuav muaj rau yav tom ntej, hais txog kev kho mob lawm ces yuav tsum nrog xyuas kom pej xeem tau txais kev noj qab nyab xeeb, tham txog kev tsim cov hauv paus txhim kho lawm ces yuav pab kom tej lagluam khiav tau zoo thiab yooj yim tuaj ntxiv. Tsis yog pheem yuav kub siab txog cov skilled migrants nkaus xwb vim Australia yeej tos tej neeg no coob heev tuaj lawm tab sis zoo li nom tswv yeej tseem tsis tshua kub siab txhob qhov yuav los qhia Australia tej neeg kom muaj txuj ci paub ua tau hauj lwm li.
Mr. Oughton hais ntxiv tias txawm pej xeem Australia feem coob yeej tsis muaj teeb meem cuam tshuam txog fab niaj txiaj los tseem muaj ib txhia txom nyem tam sim no tsim nyog tau txais kev pab cuam los ntawm tsoom hwv thiab.
Yeej tseem muaj pej xeem Australia txog li 15% yog cov txom nyem heev tam sim no, lawv tsuas tos cov kev pab cuam welfare me ntsis ntxiv los ntawm tsoom hwv xwb, tsuas yog tias ntshe lagluam ho zoo zog tuaj lawm xwb los yog lawv ho nrhiav tau thiab muaj hauj lwm ntau rau sawv daws ua lawm xwb. Thiaj tsim nyog tsoom hwv nce tej nyiaj pab cuam no ntxiv rau lawv. Tsis li ces lawv yuav tau nrhiav hauj lwm ua pab ntxiv, vim lawv tsis tau hauj lwm ua txaus ces thiaj tseem yuav tau tos tsoom hwv cov kev pab cuam no txuas ntxiv kom lawv thiaj pab tau lawv tus kheej me ntsis rau lub caij txom nyem nyiaj txiaj no xwb, raws li Jeff Oughton tau qhia.
Mloog tau SBSHmong rau hnub zwj Teeb (Thursday) 6 pm AEST thiab zwj Hnub (Sunday) 11 am AEST los sis mloog tau ntawm SBS Hmong Facebook page thiab download thiab mloog tau cov podcasts (Xov xwm kaw ua suab) ntawm Stitcher, Apple podcasts thiab Google podcasts tau.
Mloog tau ntau yam xov xwm ua lus Hmoob thiab lus Askiv tau raws li hauv qab no:
READ MORE
Tsev tsoom hwv cov cai txo se 2019
READ MORE
Txo se rau tej neeg ntiag tug
